Хрестоматия по истории СССР. Том 1 - Тихомиров М. Н. - Страница 102

127. БОЯРСКИЙ ПРИГОВОР О БЕГЛЫХ КРЕСТЬЯНАХ (1606 г., февраля 1)

«Акты Археографической экспедиции», т. II, № 40, стр. 95–96.

Лета 7114 февраля в 1 день, по государеву, цареву и великого князя Дмитрея Ивановича всеа Русии слову, бояре приговорили: которые бояре и дворяне и дети боярские, и владычних и монастырских вотчин, бьют челом государю о суде и беглых крестьянах, до НО году, до голодных годов за год, на посады и в государевы в дворцовые села и в черныя волости, и за помещиков и за вотчинников, во крестьяне и в холопи, и тех приговорили сыскивая отдавати старым помещиком. А которые крестьяне бежали во 110 и во 111 году, в голодные годы, с животы, а прожити было им мочно, а пришли за иных помещиков или за вотчинников жити во крестьяне и в холопи, и тех сыскивая отдавати старым помещиком и вотчинником.

А которые бегали с животы в далные места из за Московских городов на Украины, а с Украины в Московские городы, или из города в город, верст за двести и за триста и болши, а пошли от старых своих помещиков с животы и ростеряв животы пришли к иным помещиком в бедности, и про то сыскати около тех поместий, откуда тот крестьянин пошел: да будет в сыску околние люди скажут, что он был не беден и сбежал от своего помещика или от вотчинника с животы, а прокормитися было ему мочно, а ныне за кем во крестьянех или у кого служит по кабале, и того по сыску отдати старому помещику или вотчиннику, из за кого он сбежал, каков есть; а про которого крестьянина скажут, что он в те голодные лета, от помещика или от вотчинника сбрел от бедности, что было ему прокормиться не мочно, и тому крестьянину жити за тем, кто его голодные лета прокормил, а исцу отказати: не умел он крестьянина своего кормити в те голодные лета, а ныне не пытай…

А на беглых крестьян, по старому приговору, дале пяти лет суда не давати.

128. КРЕСТОЦЕЛОВАЛЬНАЯ ЗАПИСЬ ЦАРЯ ВАСИЛИЯ ШУЙСКОГО (1606 г.)

«Собрание государственных грамот и договоров», т. II, № 141, стр. 299–300.

Божиею милостию мы, великий государь царь и великий князь Василий Ивановичь всеа Русии, щедротами и человеколюбием славимаго бога и за молением всего освященного собора, и по челобитью и прошению всего православного християнства, учинилися есьмя на отчине прародителей наших, на Российском государстве царем и великим князем, ёгоже дарова бог прародителю нашему Рюрику, иже бе от Римскаго кесаря, и потом многими леты и до прародителя нашего великого князя Александра Ярославича Невского на сем Российском государстве быша прародители мои, и посем на Суздалской удел разделишась, не от неволи, но по родству, якоже обыкли болшая братия на болшие места седати[144]. И ныне мы, великий государь, будучи на престоле Российского царствия, хотим того, чтобы православное християнство было нашим царским доброопасным правительством и в тишине, и в покое и во благоденствии. И поволил есми яз, царь и великий князь Василий Иванович всеа Русии, целовати крест на том, что мне, великому государю, всякого человека, не осудя истинным судом з бояры своими, смерти не предати, и вотчин, и дворов, и животов у братии их, и у жен и у детей не отъимати, будет которые с ними в мысли не были, также и у гостей, и у торговых, и у черных людей2, хотя которой по суду и по сыску дойдет и до смертные вины, и после их у жен и у детей дворов, и лавок, и животов не отъимати, будут они с ними в той вине неповинны; да и доводов3 ложных мне, великому государю, не слушати, а сыскивати всякими сыски накрепко и ставити с очей на очи, чтоб в том православное християнство без вины не гибли; а кто на кого солжет, и, сыскав, того казнити, смотря по вине того: что был взвел неподелно, тем сам осудится. На том на всем, что в сей записи написано, яз царь и великий князь Василий Иванович всеа Русии, целую крест всем православным християнам, что мне, их жалуя, судити истинным праведным судом, и без вины ни на кого опалы своея не класти, и недругам никому в неправде не подавати, и от всякого насильства оберегати.

129. «О ПОБОИ И РАЗОРЕНИИ СЛУЖИЛЫМ ЛЮДЯМ ОТ ХОЛОПЕЙ СВОИХ И КРЕСТЬЯН»

«Новый летописец» («Полное собрание русских летописей», СПБ 1910, т. XIV, стр. 71).

Егда же мы не исправихомся перед богом, мы не потребны быхом, зависти и гордости не лишихомся, за то жъ наша согрешения наведе на нас бог, яко же убо пострадахом и убиении быхом ни от неверных, но от своих раб и крестьян поругаеми и убиваеми. Бысть в лето 7115 году, собрахуся боярские люди и крестьяне, с ними же пристаху Украинские и посацкие люди и стрельцы и казаки и начаша по градом воеводы имати и сажати по темницам. Бояр же своих домы разоряху и животы грабяху, жен же и детей их позоряху и за себя имаху. В них же бысть старейшим князь Андреев человек Андреевича Телятевского, Ивашка Болотников, собрався со многими людми и прииде под Кромы; и воеводы ж от Кром отойдоша. Слышаху ж под Ельцом бояре, что под Кромами смутилось, отойдоша от Ельца прочь и поидоша все к Москве. Ратные же люди, отъехав к Москве, разъехалися по своим домам, царь же Василей на Москве бысть не с великими людми.

130. ИЗ ГРАМОТЫ ПАТРИАРХА ГЕРМОГЕНА О ВОССТАНИИ В СЕВЕРСКИХ И РЯЗАНСКИХ ГОРОДАХ

(1606 г., ноября 30)

«Акты Археографической экспедиции», т. II, № 158, стр. 131–132.

…А ныне по своим грехом, забыв страх божий, воста плевел, хощет поглотити пшениценосные класы: окопясь разбойники и тати и бояр и детей боярских беглые холопи, в той же прежепо-гибшей и оскверненной Северской Украине, и сговорясь с воры с казаки, которые отступили от бога, и от православныя веры и повинулись сатане и дьяволским четам, и оскверня всякими злыми делы Северские городы и пришли в Рязанскую землю и в прочая городы, и тамо тако ж святыя иконы обесчестиша, церкви святыя конечно обругаша, домы разграбиша, и многих смерти предаша.

Московский же богом соблюдаемый народ, государевы бояре, и князи, и христолюбивое воинство, и вси православные крестьяня, от мала до велика, слышавшие таковую богом ненавистную прелесть, еже мертваго живым нарицаху, и святым божиим иконам и святым церквам таковое злое безчестие творяху, и братию свою православных крестьян не токмо конечному студу, но и смерти предаяху, и о всем умилишася и вси единодушно укрепишася целованием животворящего креста господня, еже от таковых крепко стояти, даже и до смерти, и быти во всех любви и в мире с одного на врагов божиих и на всех супостатов стояти, и не попускати таковым злодеем таковых скаредных и богоненавистных дел соде-вати, — еже окоянныи, забыв страх божий и час смертный и судный страшный день, не престаша сами себя воевати, пришли к царьствующему граду Москве, в Коломенское, и стоят и розсы-лают воровские листы по городом и велят вмещатив шпыни[145] и в боярские и в детей боярских люди и во всяких воров всякие злые дела, на убиение и на грабеж, и велят целовать крест мертвому злодею и прелестнику ростриге, и сказывают его проклятаго жива…

131. ВОССТАНИЕ НАРОДОВ ПОВОЛЖЬЯ И СИБИРИ

«Акты Археографической экспедиции», т. II, стр. 216.

I. Господину Федору Петровичу да Науму Романовичу, и пермским старостам и целовальником, и всем земским людем: князь Михайло Ухтомской, Василей Иванов и вятские старосты и целовальники, и все земские люди челом бьют. В нынешнем, господине, 117 (1609) году апреля в 1 день писали вы к нам о государе цареве и великого князя Василья Ивановича всеа Русии о ратном деле и о земском совете, чтобы вам пермичам, и с сылвиноким и с иренским остяки и с вишерскими и с лозвинскими вогуличи, с нами вместе заодин итти войною на государевых изменников, под черемиские городки: и тот ваш совет учинился нам ведом, и как есте начали, так бы службу свою и совершали; а мы о том вашем совете отпишем ко государю царю и великому князю Василью Ивановичу всеа Русии, к Москве, да и в Казань ко государевым бояром и воеводам отпишем же. А что, господине, из Казани, от государевых бояр и воевод и от дияков, марта в 23 день, к нам писано, и мы с тое грамоты послали к вам список слово в слово. Да ныне, господине, апреля в 1 день писали к нам из Казани государевы бояре и воеводы, Василей Петрович Морозов, Богдан Яковличь Вельской, да дияк Никанор Шулгин, что в тех городах и ныне сидят государевы изменники, воровские люди: и мы, по тем вестем, собрав ратных многих людей и прося у бога милости, послали под Еранской и под Шанчюрин и с божиею помо-щию велели над изменники и над городы промышлять, как даст бог, Еранский и Шанчюрин государю царю и великому князю Василью Ивановичу всея Русии добьют челом и вины свои принесут, или будет те городы к государю вскоре не обратятся, и мы к вам отпишем тотчас, с нарочным гончиком.