Святая блаженная Матрона Московская. Помощь рядом! - Светлова Ольга Александровна - Страница 60

15 (2) февраля – Сретение Господне

Пречистая Дева Мария и праведный Иосиф принесли Младенца Христа на 40-й день после Его рождения в Иерусалимский храм.

Тропарь празднику Сретения

Радуйся, Благодатная, Богородице Дево, из Тебе бо возсия Солнце Правды, Христос Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение.

Величание праздника

Величаем Тя, Живодавче Христе, и чтим Пречистую Матерь Твою, Еюже по закону ныне принеслся еси в храм Господень.

Молитва Сретению Господню

Господи Иисусе Христе, Единородный Сыне и Слове Божий, древле во пророцех Виденный, якоже зерцалом в гаданий, в последок же дний сих плотию от Пресвятыя Девы Марии нетленно рожденный и в четыредесятный день сей во Святилище во Сретение всему миру от Тоя, яко Младенец руконосим, явленный и во объятиях праведнаго Симеона во спасение всем сущим от Адама носимый! Коль преславно и пресветло Твое на руку Богома тери во храм Господень принесение и от святаго старца Боже ственное сретение Твое! Днесь небеса веселятся и радуется земля, яко видена быша шествия Твоя, Боже, шествия Бога нашего Царя, Иже во Святем. Древле Моисей восходит видети славу Твою, но не возможе увидити Лица Твоего, зане явил еси ему точию задняя Своя. В пресветлый же день сей Сретения Твоего Ты явил еси Себе человеком во святилище, сияя неизреченным Светом Божества, да вкупе с Симеоном видят Тя лицем к лицу и руками да осяжут Тя, и восприемши во объятия своя, да познают Ти Бога во плоти пришедша. Сего ради прославляем неизреченное снисхождение и велие человеколюбие Твое, яко пришествием Твоим даровал еси ныне небесную радость падшему древле роду человечу: Ты бо праведным судом Своим изгнал еси прародители наши из рая сладости в мир сей, ныне же помиловал еси нас и паки отверзл нам райския обители и обратил еси плач наш на радость, да падший Адам к тому уже да не стыдится Тебе за преслушание и да не будет скрыватися Лица Твоего, Тобою призываемый, яко Ты пришел еси ныне, да возьмеши на Себе грех его, да омыеши его Своею Кровию и да облечеши его нага суща в ризу спасения и одежду веселия и украсиши его, яко невесту красотою. Нам же всем Божественное Твое Сретение воспоминающим, сподоби с мудрыми девами изыти на Сретение Твое, Небесному Жениху нашему, с горящими светиль никами веры, любви и чистоты, да улицезрим очами веры Боже ственное Лице Твое, да восприимем Тя в душевныя объятия своя, и да понесем Тя в сердце своем во вся дни Живота свое го, да будеши нам в Бога и мы в людие Твои. В последний же и Страшный день Пришествия Твоего, егда вси святии изыдут на последнее и великое Сретение Твое на воздусе, сподоби и нам усрети Тя, да тако всегда с Господом будем. Слава Милосердию Твоему, Слава Царст вию Твоему, Слава смотрению Твоему, Едине Человеколюбче, яко Твое есть Царство, и Сила, и Слава со Безначальным Тво им Отцем и Пресвятым и Бла гим и Животворящим Твоим Духом ныне и присно, и во веки веков. Аминь.

7 апреля (25 марта) – Благовещение Пресвятой Богородицы

Архангел Гавриил явился Деве Марии с известием о том, что Она избрана стать Матерью Сына

Божия, зачатие Которого должно совершиться силою Святого Духа.

Молитва Благовещению Пресвятой Богородицы

Приими, Всеблагомощная, Пречис тая Госпоже Владычице Богородительнице, сия честныя дары, Тебе еди ной прикладныя от нас, недостойных рабов Твоих, от всех родов избран ная, всех тварей небесных и земных вышшая явльшаяся. Понеже бо Тебе ради бысть Господь сил с нами, и То бою Сына Божия познахом, и сподобихомся Святаго Тела Его и Пречистыя Крове Его. Темже блаженна еси в родех родов, Богоблаженная, Херувимов светлейши и Серафимов честнейши сущая. И ныне, Всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и от всякаго обстояния: и сохранитися нам неврежденным от всякаго ядовитаго прилога диавольскаго. Но даже до конца мо литвами Твоими неосужденных нас соблюди: яко да Твоим заступлением и помощию спасаеми, славу, хвалу, благодарение и поклонение за вся в Троице Единому

Богу и всех Созда телю возсылаем, ныне и присно и во веки веков. Аминь.

7 июля – Рождество Иоанна Предтечи

Молитва

12 июля – день памяти Святых Первоверховных Апостолов Петра и Павла (Петров день)

Молитва

19 (6) августа – Преображение Господне (Яблочный Спас)

Христос, взяв с Собой апостолов Петра, Иакова и Иоанна, поднялся на высокую гору Фавор и преобразился у них на глазах, явив Свою божественную славу. В этот день в храме освящаются созревшие фрукты (в русской традиции это яблоки, поэтому праздник этот зовут еще Яблочным Спасом).

Молитва Преображению Господню

Господи Иисусе Христе, Боже наш, во Свете живый неприступнем, Сияние сый Славы Отчия и Образ Ипостаси Его! Егда прииде исполнение времен, Ты за милосердие неизреченное к падшему роду человеческому Себе умалил еси, зрак раба приял еси, смирил еси Себе, послушлив бысть даже до смерти.

Обаче прежде Креста и вольныя страсти Твоея на горе Фаворстей преобразился еси в Божественней Славе Своей пред святыми Твоими ученики и Апостолы, мало скрыв плоти восприятие, да егда Тя узрят распинаема, и смерти предаваема, уразумеют убо страдание Твое вольное и Божество. Даруй же и нам всем, пречистыя Плоти Твоея Преображение празднующим, чистым сердцем и нескверными умы взыти на Святую гору Твою, в селения святыя славы Твоея, идеже глас чист празднующих, глас несказаннаго радования, да тамо купно с ними лицем к лицу узрим Славу Твою в невечернем дни Царствия Твоего, и со всеми святыми, от века Тебе благоугодившими прославим Всесвятое имя Твое со Безначальным Твоим Отцем и Пресвятым и Благим и Животворящим Твоим Духом ныне и присно и во веки веков.

Тропарь празднику Преображения

Преобразился еси на горе, Христе Боже, показавши учеником Твоим славу Твою, якоже можаху: да возсияет и нам, грешным, свет Твой присносущный, молитвами Богородицы, Светодавче, слава Тебе.

Величание праздника

Величаем Тя, Живодавче Христе, и почитаем Пречистыя Плоти Твоей преславное Преображение.

28 (15) августа – Успение Пресвятой Богородицы

Кончина Пречистой Девы Марии была тихой и светлой. Церковь назвала ее успением (то есть сном).

Тропарь празднику Успения

В Рождестве девство сохранила еси, во Успении мира не оставила еси, Богородице, преставилася еси к Животу, Мати сущи Живота; и молитвами Твоими избавлявши от смерти души наша.

Величание праздника

Величаем Тя, Пренепорочная Мати Христа Бога нашего, и всеславное славим Успение Твое.

Молитва на Успение Пресвятой Богородицы

О всемилостивая Госпоже Дево Владычице Богородице, услыши нас, молящихся Тебе, и яви милость Твою на людех Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое вятое, от всякия напасти, губительства, глада, труса, потопа, огня, меча, нашествия иноплеменников и междоусобныя брани, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха ко времени плоднаго приношения нам даруй. Облегчи, возстави и помилуй, премилостивая Владычице, Богородице препетая, во всякой беде и нужде сущыя. Помяни рабы Твояи не презри слез и воздыхания наш его, и обнови нас благостию Своея милости, да со благодарением утешаемся, обретшее Тя помощницу. Умилосердися, Госпоже Пречистая, на немощныя люди Твоя, надеждо наша. Разсеяннныя собери, заблуждшыя на путь правый настави, отпадшыя от благочестивыя отеческия веры паки возврати, старость поддержи, юныя вразуми, младенцы воспитай и прослави славящыя Тя, изряднее же Церковь Сына Твоего соблюди и сохрани в долготу дний.